Posted by: Devi Nangrani | अक्टूबर 25, 2010
Mehar bin moomal mandi
گيت
ميھر بن موُمل ماندي الا
اُن پيار ۽ سڪ جي باندي الا
عِشق جو اھڙو روڳ لڳو ڄڻ
ساھُ سڄڻ وٽ قرض رکيو ڄڻ
پر ڪين پليو آ ساھُ الا
ميھر بن موُمل ماندي الا
ويل وئي ۽ مُند به موٽي
ڪين ڏٺو منھن ، قسمت کوٽي
ته به ڪين کڄي اَرواھُ الا
ميھر بن موُمل ماندي الا
ڪيڏيون ريتيون رسمون آھن
پئدن جون ڄڻ شيخون آھن
تِن جڪڙيو ڄڻ آ ساھُ الا
ميھر بن موُمل ماندي الا
اوسيئڙن ۾ ننڊ ڦٽي آ
جاڳي نيڻن رات ڪٽي آ
لولي ڪا ڏني آ ماءٌ الا
ميھر بن موُمل ماندي الا
(ديوي ناگراڻي)
Like this:
Be the first to like this post.
हाल ही की टिप्पणियाँ