Posted by: Devi Nangrani | अक्टूबर 25, 2010
SuhiniaH je seene mein
گيت
سُھڻيءَ جي سيني ۾ سانـڍيل
ڪوئي ڪُھنو سوُر ھُيو.
سِمي سِمي اندر ئي اندر
سوُر بڻيو ناسوُر ھُيو.
سُھڻي ھِت ميھر لاءِ ماندي
ھُت ميھر مجبوُر ھُيو.
ڪارونڀار ڪُنن ۾ ڪڙڪا
دريا ڀي ڀرپوُر ھُيو.
تيز تِکو طوفان لڳو ٿي
ويتر ساحل دوُر ھيو.
لھرُن ۾ وئي لُڙھندي سُھڻي
ھُن جو ھڏُ ھڏُ چوُر ھُيو.
ڪچي گھڙي به نه ساٿ ڏِنُس، ھي
قسمت سندو قصوُر ھُيو.
پھُچي به ته ڪيئن ديوي، ھُت جِت
حاضر سندس حُضوُر ھُيو.
(ديوي ناگراڻي)
Like this:
Be the first to like this post.
हाल ही की टिप्पणियाँ